🏀 जिल्हास्तरीय शालेय बास्केटबॉल क्रीडा स्पर्धा सन २०२६-२७ 🏀
जिल्हा क्रीडा अधिकारी कार्यालय, मुंबई उपनगर यांच्या वतीने आयोजित जिल्हास्तरीय शालेय बास्केटबॉल क्रीडा स्पर्धा सन २०२६-२७ दिनांक ०८ ऑक्टोबर २०२६ पासून आयोजित करण्यात येत आहे.
📍 स्पर्धेचे ठिकाण :
Fatima High School, Vidyavihar (West), Mumbai
🏀 वयोगटनिहाय स्पर्धेचे वेळापत्रक
🔹 दिनांक ०८ ऑक्टोबर २०२६
➡️ १४ वर्षांखालील मुले व मुली
🕗 रिपोर्टिंगची वेळ : सकाळी ०८:०० वाजता
📌 रिपोर्टिंगबाबत महत्त्वाची सूचना
सर्व संबंधित क्रीडा शिक्षक / क्रीडा प्रशिक्षक यांनी आपल्या संघासह संबंधित वयोगटाच्या निर्धारित दिनांक व वेळेनुसार स्पर्धेच्या ठिकाणी वेळेत उपस्थित राहण्याची दक्षता घ्यावी.
📋 स्पर्धेच्या वेळी आवश्यक कागदपत्रे
सर्व सहभागी खेळाडूंनी खालील कागदपत्रे अनिवार्यपणे सोबत आणावीत :
१. Player List
२. Player ID / Online Identity Card
३. जन्मतारखेचा दाखला / प्रमाणपत्र
४. शाळेच्या General Register मधील जन्मतारखेच्या नोंदीची सत्यप्रत
५. आधार कार्ड
६. शाळेचे ओळखपत्र
⚠️ इतर शिक्षण मंडळांशी संलग्न शाळांसाठी महत्त्वाची सूचना
SSC/HSC बोर्डाव्यतिरिक्त इतर शिक्षण मंडळांशी संलग्न शाळांमधील खेळाडू सहभागी होत असल्यास, संबंधित खेळाडूने चालू शैक्षणिक वर्षात संबंधित शिक्षण मंडळामार्फत आयोजित करण्यात आलेल्या शालेय क्रीडा स्पर्धेत सहभाग घेतलेला नाही, याबाबतचे प्रमाणपत्र संबंधित शाळेच्या मुख्याध्यापकांकडून प्राप्त करून सादर करणे आवश्यक राहील.
सदर प्रमाणपत्र सादर न केल्यास संबंधित खेळाडूचा सहभाग ग्राह्य धरला जाणार नाही.
📌 सर्व संबंधितांसाठी आवश्यक सूचना
सर्व क्रीडा शिक्षक / क्रीडा प्रशिक्षक यांनी सहभागी खेळाडूंची ऑनलाइन नोंदणी, पात्रता, आवश्यक कागदपत्रांची पूर्तता व संघाची पूर्वतयारी याबाबत आवश्यक ती दक्षता घ्यावी.
तसेच, सर्व आवश्यक कागदपत्रांसह निर्धारित दिनांक व वेळेत स्पर्धेच्या ठिकाणी उपस्थित राहावे. स्पर्धेच्या आयोजनादरम्यान कोणत्याही प्रकारची अडचण निर्माण होऊ नये, यासाठी संबंधितांनी आवश्यक ती पूर्वतयारी करावी.
⚠️ नियमांचे उल्लंघन, पात्रतेबाबत चुकीची माहिती अथवा आवश्यक कागदपत्रांमध्ये त्रुटी / अपूर्णता आढळून आल्यास, प्रचलित शासकीय नियम व क्रीडा विभागाच्या नियमानुसार संबंधितांविरुद्ध आवश्यक ती कार्यवाही करण्यात येईल.
☎️ अधिक माहितीसाठी संपर्क :
१. श्री. श्रीनाथ पाटील सर
📞 ९००४२ ९६६०९
२. श्री. सुखविंदर सिंग सर
📞 ९८९२१ ३०८५८
सर्व संबंधितांनी वरील सूचनांची नोंद घेऊन वेळेचे व नियमांचे काटेकोरपणे पालन करून सहकार्य करावे, ही विनंती.
— जिल्हा क्रीडा अधिकारी कार्यालय,
मुंबई उपनगर
