🏆 *जिल्हास्तरीय शालेय कॅरम स्पर्धा २०२६-२७*
जिल्हा क्रीडा अधिकारी कार्यालय, मुंबई उपनगर आयोजित जिल्हास्तरीय शालेय कॅरम स्पर्धा खालीलप्रमाणे संपन्न होणार आहे.
ज्या शाळांनी कॅरम खेळाडूंची Player List Upload केलेली आहे आणि जे खेळाडू प्रत्यक्ष स्पर्धेच्या ठिकाणी खालील वेळेनुसार उपस्थित राहतील, त्यांचीच नावे ड्रॉमध्ये समाविष्ट करण्यात येतील.
कोणत्याही कारणास्तव उशिरा आलेल्या खेळाडूंना स्पर्धेमध्ये प्रवेश दिला जाणार नाही, याची कृपया स्पष्टपणे नोंद घ्यावी.
वेळापत्रकामध्ये आवश्यकतेनुसार बदल करण्याचे अधिकार नियोजन समितीने राखून ठेवले आहेत.
📅 स्पर्धेचे वेळापत्रक
१) दिनांक ०५/१०/२०२६
▪️ १७ वर्ष मुले — उपस्थिती : सकाळी ०८:३० वाजता
२) दिनांक ०६/१०/२०२६
▪️ १४ वर्ष मुले — उपस्थिती : सकाळी ०८:३० वाजता
३) दिनांक ०७/१०/२०२६
▪️ १४ वर्ष मुली — उपस्थिती : सकाळी ०८:३० वाजता
▪️ १७ वर्ष मुली — उपस्थिती : सकाळी ११:३० वाजता
४) दिनांक ०८/१०/२०२६
▪️ १९ वर्ष मुली — उपस्थिती : सकाळी ०८:३० वाजता
▪️ १९ वर्ष मुले — उपस्थिती : सकाळी ११:३० वाजता
📍 *स्पर्धेचे ठिकाण*
*श्री टी पी भाटिया कॉलेज ऑफ सायन्स, पंचोलीय हॉल, शांतीलाल मोदी रोड कांदिवली वेस्ट मुंबई*
⚠️ स्पर्धेसाठी अत्यंत महत्त्वाच्या सूचना
१. स्पर्धेच्या ठिकाणी शाळा व कॉलेज असून त्यांच्या परीक्षा सुरू आहेत. त्यामुळे केवळ खेळाडूंनाच स्पर्धेच्या हॉलमध्ये प्रवेश दिला जाईल.
2. कोणत्याही परिस्थितीत पालक, शाळा/खाजगी कोच किंवा क्रीडा शिक्षकांना हॉलमध्ये प्रवेश दिला जाणार नाही, याची नोंद घ्यावी.
3. संबंधित शाळांनी सदर माहिती खेळाडू, पालक, कोच व क्रीडा शिक्षकांना पूर्वकल्पनेने द्यावी.
4. स्पर्धेच्या ठिकाणी दुचाकी व चारचाकी वाहनांच्या पार्किंगसाठी जागा उपलब्ध नाही. त्यामुळे पालक, शिक्षक व इतरांनी शाळा/कॉलेजच्या समोर किंवा बाजूला वाहने पार्क करू नयेत.
5. पार्किंगच्या बाबतीत आयोजन समिती किंवा शाळा व्यवस्थापनाशी कोणत्याही प्रकारचा वाद घालू नये, ही विनंती.
6. स्पर्धा आयोजन समितीचा निर्णय अंतिम राहील. खेळाडू, पालक, कोच किंवा शिक्षक यांनी आयोजन समितीच्या निर्णयाबाबत कोणत्याही प्रकारचा वाद घालू नये.
7. आयोजन समितीशी गैरवर्तन अथवा वाद घातल्यास संबंधित खेळाडू/शाळेविरुद्ध शिस्तभंगाची कार्यवाही करून खेळाडूला स्पर्धेतून बाद करण्यात येऊ शकते, याची स्पष्टपणे नोंद घ्यावी.
8. प्रत्येक स्पर्धकाने स्वतःचा Striker स्पर्धेसाठी सोबत आणणे आवश्यक आहे.
9. स्पर्धेसाठी येताना प्रत्येक खेळाडूने आपला Player ID सोबत आणणे आवश्यक आहे. Player ID वर शाळेचे मुख्याध्यापक/प्राचार्य यांची स्वाक्षरी व शाळेचा शिक्का असणे अनिवार्य आहे.
10. स्वाक्षरी व शिक्का असलेला Player ID सादर केल्याशिवाय खेळाडूस स्पर्धेत सहभागी होता येणार नाही.
📢 सर्व संबंधितांनी वरील सूचनांची काटेकोरपणे नोंद घ्यावी व आपल्या शाळेतील खेळाडू, पालक, कोच व क्रीडा शिक्षक यांना त्याबाबत अवगत करावे.
— जिल्हा क्रीडा अधिकारी कार्यालय, मुंबई उपनगर
